Kumenyezelwe izimoto ezisembangweni we-2025 SA Car of the Year
Selukhishiwe uhla lwezimoto ezingu-17 okuzotonyulwa kuzo eyonyaka emncintiswaneni i-2025 South Africa Car of the Year (Coty).
Lo mncintiswano oxhaswe yi-Old Mutual Insure uzobe ugubha iminyaka engu-39 wasungulwa.
Ngasekupheleni konyaka odlule kwakhishwa uhla lwezimoto ezingu-29 ezisemzuliswaneni owandulela amanqamu,
Amajaji, okuyizintatheli zezimoto ezingamalungu enhlangano iSouth African Guild of Mobility Journalists (SAGMJ) akhethe ezingu-17 esezizobanga isicoco.
Uhlelo olulandelayo wukuthi izimoto zivivinywe okokugcina izinsuku ezimbili ngamajaji ngoMashi lapho okuyobe sekuphuma khona eziqwaqwade emakhanda. Kuneminxa ehlukene okuphinde kuwinwe kuyo ngaphambi kokukhethwa kwezehlule zonke.
Ngonyaka odlule isicoco sathathwa yiBMW 7 Series.
Uhla oluphelele lwezisembangweni:
BMW 5 Series Sedan
BMW M5
BMW X3
Ford Mustang GT
GAC GS3 EMZOOM
GWM P500 HEV
Jaecoo J7
Mahindra XUV 3XO
Mercedes-AMG C 63 S E Performance
Mercedes-Benz E-Class (E 220d)
MINI Countryman
Mitsubishi Triton
Omoda C9
Suzuki Swift
Toyota Land Cruiser Prado
Volkswagen Tiguan
Volvo EX30