Imoto agqityelwe ehamba ngayo uThulani Ngqongqo (38)
Image: FACEBOOK
Ziyaqengqeleka iintsuku engade avele uThulani Ngqongqo (38) nanjengoko le veki iphelayo iyeyesibini edukile.
Ngokwengxelo yamaPolisa aseMpuma Koloni, ithi, uNgqongqo ugqityelwe ngomhla wesibini kungeCawe kule nyanga lusapho lwakhe ngethuba ehamba ephindela eGqeberha apho asebenza khona de kubengoku.
UCaptain Hazel Mqala uthi, uNgqongqo umke kowabo ngeCawe ngezithuba zentsimbi yesibhozo ebusuku. UNgqongqo ngosuku aduka ngalo wayeqhuba imoto emhlophe iToyota Corolla enenombolo enguJVT 791 EC.
AmaPolisa abongoza nabani na onolwazi ngoNgqongqo nombonileyo asebenzisane namaPolisa ngokuthi atsalele uSergeant Ndevu wesikhululo saseMdantsane ku082 441 9628 okanye inombolo ethi 0860010111.
Related Topics: