Iimbuso ezintsha kwikhaya elitsha likaLehasa entolongweni

Kukho intetho ethi ‘Ivili liyajikeleza’, nekuyintetho kungoku nje inokuba uLehasa uyiqonda ngokupheleleyo, nanjengoko eza kuchitha ubomi bakhe bonke entolongweni ngenxa yezenzo zakhe.

Kwizinto zonke uLehasa ebezenza, ubusela, ubuqhophololo, nalapho ebede asebenzise imali yakhe ukufumana oko akufunayo, nkqu kwanokubulala.

Ngomhla wesithathu kwinyanga yoMsintsi, kunyaka ophelileyo u2024, uLehasa kwanyanzeleka ajongane neziphumo zezenzo zakhe zangaphambili kwaye wafunyanwa enetyala enkundleni yomthetho, nalapho wafumana isigwebo sokuthothoza entolongweni ubomi bakhe bonke.

Kungekudala nje eqalile lo nyaka mtsha u2025, ababukeli baza kubukela amahla-ndinyuka obomi bokwenene bukaLehasa, nalapho ezakube edontsa isigwebo sakhe entolongweni.

Kungoku nje ungaphaya kwezitshixo, akanandawo yokuhlala ebubunewunewu, akanamoto kanokutsho, kwaye akanasuti eziphucukileyo. Ubomi buza kwahluka kakhulu kuye kulo nyaka, nanjengoko eza kujamelana neendonga ezibandayo, nebhedi engekho ntofontofo ubomi bakhe bonke, nto leyo yahlukileyo kubomi abuqhelileyo.

ULehasa kufuneka ahlale ezigadile, akhethe abahlobo bakhe ngononophelo, kwaye abeke iliso elibukhali kwiintshaba zakhe.

Kwiziqendu ezilandelayo zeSkeem Saam, kuza kuphononongwa ubomi beqela labantu abohlukeneyo abavalelwe entolongweni, behlawulela izono zabo.

Aba bantu bangqonge uLehasa kwihlabathi lakhe elitsha, kwaye kuxhomekeke kuye ukufumanisa ukuba ngubani umhlobo kunye notshaba.

Ukanti ngokuhlwa kwanamhlanje baliqela abalingisi abatsha, abazakuchitha ixesha noLehasa kwikhaya lakhe elitsha intolongo, nabaquka uTa Austin (Ronald Mkhwanazi), Vader (Thank Gwadiso), Pavarotti (Thulani Kunene), Craig Klassen (Jerome du Plooy).

Ukanti ngomhla we8 kwinyanga yoMqungu, uShongwe (Malibongwe Mdwaba), ze kwinyanga elandelayo, eyoMdumba kugaleleke ugqirha wamabanjwa, uDr Blue (Tauné Block), noza kufika ngeliza kusindisa ibanjwa elonzakele kakhulu entolongweni.

Ukanti kukwalindeleke ukuba kubekho othile okhe wanokumdibanisa noLehasa kwiminyaka engaphambili, umbuzo omkhulu ngowokuba kazi ngubani na?

Ungaphoswa ngulo mdlalo iSkeem Saam, ngoMvulo ukuya ngoLwesihlanu, ngecala emva kwentsimbi yesixhenxe ngokuhlwa, kuSABC 1.